રેડ પછી પણ શહેરભરમાં ધમધમતા વરલી મટકાના સ્ટેન્ડ. કડી પોલીસ કાંચા નો કોલર પકડતા કેમ ડરે છે ??

કડી પોલીસની કાર્યવાહી માત્ર દેખાડો? રેડ બાદ પણ યાસીન ઉર્ફે કાંચાના વરલી મટકાના સ્ટેન્ડ ધમધમતા હોવાની ચર્ચા

ત્રણની ધરપકડ બાદ પણ ગેરકાયદેસર જુગારની પ્રવૃત્તિઓ યથાવત હોવાના આક્ષેપો, પોલીસની કામગીરી સામે ઉઠ્યા ગંભીર સવાલો

કડી શહેરમાં વરલી મટકાના ગેરકાયદેસર ધંધાને લઈને પોલીસની કાર્યવાહી હવે સવાલોના ઘેરામાં આવી રહી છે. પોલીસ દ્વારા યાસીન ઉર્ફે કાંચાના નેટવર્ક સામે રેડ કરીને ત્રણ વ્યક્તિઓની ધરપકડ કરવામાં આવી હતી અને યાસીન ઉર્ફે કાંચાને ફરાર દર્શાવવામાં આવ્યો હતો. પરંતુ કાર્યવાહી બાદ પણ શહેરના વિવિધ વિસ્તારોમાં વરલી મટકાના સ્ટેન્ડ ચાલુ હોવાના આક્ષેપો સામે આવી રહ્યા છે.સ્થાનિકોમાં ચર્ચા છે કે જો મુખ્ય સૂત્રધાર હજુ પણ કાયદાની પકડથી દૂર છે અને જુગારની પ્રવૃત્તિઓ યથાવત ચાલુ છે, તો અગાઉની પોલીસ કાર્યવાહીનો વાસ્તવિક અસરકારક પરિણામ શું રહ્યો? શહેરમાં ઉઠી રહેલા આ સવાલો હવે પોલીસ તંત્ર માટે પડકારરૂપ બન્યા છે.નાગરિકોમાં એવી પણ ચર્ચા ચાલી રહી છે કે ગેરકાયદેસર જુગારના અડ્ડાઓ સામે સતત અને અસરકારક કાર્યવાહી કેમ જોવા મળતી નથી. જેના કારણે કાયદો અને વ્યવસ્થાની અમલવારી અંગે લોકોમાં અસંતોષ જોવા મળી રહ્યો છે.શહેરના જાગૃત નાગરિકોનું કહેવું છે કે જો ગેરકાયદેસર પ્રવૃત્તિઓ ખરેખર ચાલુ હોય તો માત્ર નાના ખેલાડીઓ સામે કાર્યવાહી નહીં પરંતુ સમગ્ર નેટવર્કને તોડી પાડવા માટે કડક અને પારદર્શક અભિયાન ચલાવવું જરૂરી છે. અન્યથા પોલીસની કાર્યવાહી માત્ર ઔપચારિકતા બની રહી હોવાની ધારણા વધુ મજબૂત બનશે.હાલ આ તમામ મુદ્દાઓને લઈને અનેક ચર્ચાઓ ચાલી રહી છે. સંબંધિત આક્ષેપોની સત્યતા અંગે સત્તાવાર પુષ્ટિ અથવા સ્વતંત્ર તપાસના પરિણામો સામે આવવાના બાકી છે.